سه‌نته‌رێ زمان ئاگه‌هدارییا هه‌مى به‌شداربوویێن خۆلا چوارێ یا فێركارى دكه‌ت كو ئه‌زموونێن دوماهیكا خۆلێ دێ ب ئه‌ڤان رێنمایێن خوارێبیت:
1. بەروارا ئه‌زموونان :
ٲ. ئه‌زموونا دوماهیكێ یا ئاستێ (Elementary) ڕۆژا دووشەمبێ بەروارا (2021/12/27) دێ هێته‌ ئەنجامدان.
ب. ئه‌زموونا دوماهیكێ یا ئاستێ (Pre-Intermediate) ڕۆژا سێشەمبێ بەروارا (2021/12/28) دێ هێته‌ ئەنجامدان.
ج. ئه‌زموونا دوماهیكێ یا ئاستێن (Intermediate و Beginner) ڕۆژا چوارشەمبێ بەروارا 2021/12/29 دێ هێته‌ ئەنجامدان.  

2- ئه‌زموون دێ ب شێوه‌یه‌كێ ناڤه‌ندى  وه‌ك ل خوارێ دیار هێنه‌ ئه‌نجامدان:
- سەنتەرێن زانکۆیێن هەولێر
(زانکۆیا سەلاحەدین، زانکۆیا سۆران، زانکۆیا كۆیه، زانکۆیا پۆلیتەکنیك هەولێر) ل زانكۆیا سەلاحەدین.
- سەنتەرێن زانکۆیێن سلێمانی
(زانکۆیا سلێمانی، زانکۆیا هەڵەبجە، زانکۆیا گەرمیان، زانکۆیا ڕاپەڕین، زانکۆیا چەرموو، زانکۆیا پۆلیتەکنیکی سلێمانى) ل زانکۆیا سلێمانی.
- سەنتەرێن زانکۆیێن دهۆک
(زانکۆیا دهۆک ، زانكۆیا زاخۆ ،زانکۆیا پۆلیتەکنیکی دهۆک) ل زانکۆیا دهۆک.

3- هه‌مى ئه‌زموون دێ ل ده‌مژمێر (10) ی سپێدێ دەست پێكه‌ن پێدڤییه‌ بەشداربوو (30)خولەکان  به‌رى ئه‌زموونێ ئاماده‌بیت بۆ دیتنا ناڤ و هۆلا خۆ.
4- به‌رسڤدانا پرسیاران ب ته‌نێ دێ ب جافێ شین یان ره‌ش بیت.
5- هیچ رۆنكرنه‌ك ل سه‌ر پرسیاران ژلایێ چاڤدێرێن هۆلێ ناهێته‌ دان و پرسیاركرن ژ چاڤدێرێن هۆلێ رێك ناهێته‌ پێدان.
6- چاوانییا نڤێسینا ناڤێ سێیانى و سه‌نته‌ران:
ٲ. پێدڤییه‌ بەشداربوو ناڤێ سیانى یێ خۆ لسەر  (Answer Sheet) ب زمانێ کوردی یان عەرەبی بنڤیسیت هەروەک د ناسناما بارێ شارستانیدا هاتى.  
ب. سەبارەت ب نڤێسینا سەنتەرى، هەر بەشداربوویەک ناڤێ وى سەنتەرى بنڤیسیت ئه‌وێ مامەڵی لێ پێشکێش کرى لسەر (Answer Sheet) ، كو ژ لایێ چاڤدێرێن هۆلێ دێ بۆ هه‌وه‌ هێته‌ رۆنكرن سه‌باره‌ت نڤێسینێ.
7- ئینانا موبایلێ بۆ ناڤ هۆلێن ئه‌زموونا ب هه‌مى ره‌نگى قه‌ده‌غه‌یه‌.
8- كۆپیا دێ به‌شداربووى دیركه‌ت ژ ئه‌زموونێ و خۆلێ.
9- پێدڤییه‌ به‌شداربوو رێنمایێن ساخله‌میێ په‌یره‌و بكه‌ت.
10- ٲ پێدڤییه‌ به‌شداربوو پاسپۆردا ره‌سه‌ن (ئه‌سلى) لگه‌ل بیت .
ب. ئه‌وێن پاسپۆرت نه‌بیت پێدڤییه‌ پتر ژ ناسنامه‌كێ  لگه‌ل خۆ بینیت و وێنه‌یێ وى/وێ لسه‌ر بیت وەک (کارتا نیشتیمانی ، ناسناما خوێندنی باڵا ، ناسناما فەرمانبەری)
11- هەر بەشداربوویەک خالا (10 بڕگا ٲ.ب) جێبجێنه‌كه‌ت ئەوا دێ بێبەش بیت ژ ئه‌زموونێ
12- هیڤییه‌ هه‌مى پێدڤیێن ئه‌زموونێ لگه‌ل خۆ بینن دا تێكه‌لی لگه‌ل به‌شداربوویێن دى نه‌بیت.

رێڤەبەریا سەنتەرێ زمان